میرے ساحر
تم سے میری روشنیوں کا قلزم بے کنار چلتا ھے
پھر دل کی محفل میں
تیرے زکر کے سوا کو ئی زکر نہیں ھوتا ھے
کیسے بتاؤں
کہ
تیرے ھونے کی خوشبو کچھ الگ سی ھے
جیسے
دل کے دریچے میں کوئی یادِگزیدہ ٹھہر سی جاتی ھے
اداس شب کے آخری پہر
صبح کی اوک سورج کی پہلی کرن اوڑھتے ھی گھر چلی جاتی ھے
پھر اچانک ھی
سانسوں کی گھٹری سے
کوئی سرد سا پل گر جاتا ھے
اور ۔۔اور۔۔ دور تک ۔۔
ویرانوں میں کہیں ایک پھول زور سے ھنس پڑتا ھے
اور
ھنستے ھنستے ھر طرف بکھر جاتا ھے
سنو
میری جان
اس دنیا میں
روشن
خوش بدن تو جانے کتنے اور ھونگے
پر
تیرا بدن محبوبی ھے
تیرا خیال مجذوبی ھے
جس کی جانب چلوں تو آواز اپنی ھی سنائی دیتی ھے
تجھے دیکھوں تو تصویر اپنی ھی دکھائی دیتی ھے
میرے ساحر
میں نہیں جانتی تھی
محبت تو بیج ھے جو دل کی زمین میں دفن ھو جاتا ھے
اور
عمر بھر کے لیئے
عقیم روح کے سارے رازوں کا حافظ و امین بن جاتا ھے
-----------------------------------------
